Burun estetikası günümüzdə olduqca çox seçilən cərrahi əməliyyatdır. Burun estetikası cərrahi bir əməliyyat olduğu üçün bəzi məqamlara diqqət etmək fəsadların qarşısını almaq baxımından vacibdir.
Burun əməliyyatından sonra, xüsusilə birinci gün diqqət edilməli məqamlar aşağıdakı kimi sıralana bilər:
- Uzanma Vəziyyəti: Burun əməliyyatından sonra uzanma vəziyyəti baş səviyyəsindən yuxarıda, iki yastıqla olmalıdır. Uzanma vəziyyətinin hündür olması burnu yuxu zamanı mümkün zərbələrdən qorumaq və yaranacaq ödemi minimuma endirmək üçündür.
- Buz Tətbiqi: Burun əməliyyatından sonra göz ətrafına buz tətbiq etmək yaranan ödemin və göyərmənin azalmasına kömək edir. Ancaq buzu birbaşa qorunmasız şəkildə dəriyə tətbiq etmək dəri yanıqlarına səbəb ola bilər. Bu səbəbdən buzun və ya buz torbasının üzərinə salfet, dəsmal, bez və bənzəri bir qoruyucu qoymaq mümkün dəri yanıqlarının qarşısını alır.
- Fiziki Hərəkət: Əməliyyatdan sonra xüsusilə əyilmək və sürətli hərəkət etmək kimi hallar burunda qanaxmaya və ödemin artması kimi fəsadlara səbəb ola bilər.
- Dərman İstifadəsi: Burun əməliyyatından sonra adətən bir gecə xəstəxana şəraitində nəzarət altında qalmaq lazımdır. Bu müddət ərzində həkiminizin uyğun gördüyü ağrıkəsicilər və dərmanlar tətbiq edilə bilər. Evdə keçirilən ilk gün adətən ağrı olmur. Ancaq ağrı olarsa, yenə də həkiminizin tövsiyə etdiyi ağrıkəsici dərmanlardan istifadə edə bilərsiniz.
- Qidalanma: Burun əməliyyatından sonra daha çox ilıq və ya soyuq, maye və ya yumşaq qidalar qəbul edilməsi tövsiyə olunur. Bu müddət ərzində xüsusilə duzlu qidalardan çəkinmək vacibdir. Həddindən artıq duz istifadəsi ödem yaranmasını artıra bilər.
- Siqaret: Burun əməliyyatından sonra siqaret çəkmək sağalma prosesini yavaşlada və bəzi problemlərə yol aça bilər. Bu səbəbdən burun əməliyyatından sonra siqaret çəkmək tövsiyə edilmir.
- Qulluq: Burun estetikası sonrası xüsusilə bir müddət burun ucuna toxunulmamalı və qulluq zamanı buruna zərif hərəkətlərlə müdaxilə edilməlidir. Burun ucunda olan və axıntıların qarşısını alan bir sarğı varsa, bu sarğı müəyyən fasilələrlə dəyişdirilməli və lazım olmadıqda çıxarılaraq burun alt hissəsi və burun qanadlarındakı tikişlərin hava alması təmin edilməlidir. Həkiminizin tövsiyə etdiyi məhlullar və nəmləndiricilərlə burun təmizliyini həyata keçirə bilərsiniz.
Burun əməliyyatından sonra göyərmə və şişkinliklər necə aradan qaldırılır?
Burun əməliyyatından sonra ödem yaranması normal bir haldır və müəyyən bir müddət ərzində öz-özünə keçə bilər.
Ancaq bəzi addımlara əməl etmək göyərmə və şişkinliklərin daha sürətli sağalmasına kömək edə bilər. Burun əməliyyatından sonrakı dövr sağalma sürəti və burun sağlamlığı üçün olduqca vacibdir.
Əməliyyatdan sonra yaranan göyərmələr qara rəngə yaxın bənövşəyi rəngdə başlayır və sağalma prosesində rəngi açılaraq sarı bir görünüşə çevrilir.
Bu prosesdə göyərmələrin tamamilə keçməsi 2-3 həftə çəkə bilər. Ödemin isə tamamilə xaric olması 6 aya qədər davam edə bilər.
Ödem və şişkinliklərin aradan qaldırılması üçün ən çox seçilən üsul buz tətbiqidir. Göz ətrafına soyuq kompres etmək ödemi azaldaraq göyərmələrin azalmasına kömək edir.
Ancaq buz tətbiq edərkən burun üzərinə təzyiq etməməyə diqqət göstərilməlidir.
Xüsusilə ödemin bədəndən daha sürətli atılması üçün çox duzlu qidalardan uzaq durmaq lazımdır. Çox duzlu qidalanmaq ödemin sürətlə atılmasına mane ola bilər.
Ananas, cəfəri, ərik, yulaf və qatıq ödemin sürətlə atılmasına kömək edən qidalardır. Qidalanma rejimində bu cür qidalara yer verərək ödemin bədəndən xaric olma prosesinə dəstək olmaq olar.
Burun əməliyyatından sonra qidalanma rejimi necə olmalıdır?
Rinoplastika əməliyyatından sonra diqqət edilməli olan digər bir amil də qidalanmadır. Əməliyyatdan sonra xüsusilə yumşaq və maye qidalar qəbul etmək lazımdır.
Sərt qidaları çeynəmək çənəni çox hərəkət etdirəcəyi və buruna təzyiq göstərmə və tikişləri hərəkət etdirmə ehtimalı olduğu üçün tövsiyə edilmir. Yumşaq qidalar burun əməliyyatından sonra 3-4 gün müddətində istehlak edilə bilər.
Əməliyyat sonrası dövrdə çəkinilməli olan qidalar çox duzlu yeməklər, sərt yeməklər və çox ədviyyatlı yeməklərdir.
Eyni zamanda əməliyyatdan sonra xüsusilə spirtli içki və siqaret istifadəsindən çəkinmək vacibdir. Alkoqolun dərmanların təsirini azaltma xüsusiyyəti var.
Bu müddətdə spirtli içki istifadəsi qəbul etdiyiniz dərmanların təsir dərəcəsini azalda bilər.
Həmçinin, alkoqol bədəndə ödem saxlayır və qanaxmaya səbəb ola bilər. Burun əməliyyatından sonra spirtli içki və siqaret istifadəsi sağalmanı yavaşlada bilər.
Burun əməliyyatından sonra hansı fəaliyyətlərdən çəkinməlisiniz?
Burun əməliyyatından sonra 2-4 həftə müddətində bəzi fəaliyyətlər məhdudlaşdırılmalıdır. Xüsusilə burun əməliyyatından sonrakı 2 həftə əyilməməli və ağır yük qaldırmaqdan çəkinilməlidir.
Eyni zamanda əməliyyatdan sonra 1 ay müddətində idmanla məşğul olmaq da təhlükəli ola bilər.
Burun əməliyyatından sonra çəkinilməli olan digər fəaliyyətlər:
- Əməliyyatdan sonra duş qəbul ediləcəksə, üz bölgəsinə su dəyməməsinə diqqət edilməli, sarğıların islanmaması üçün ehtiyatlı olmaq lazımdır.
- Bundan əlavə, burun sərt şəkildə deyil, zərif hərəkətlərlə yavaşca silinməlidir.
- Əməliyyatın ilk günlərində çox gülmək kimi burnu və sarğıları hərəkət etdirəcək mimikaları məhdudlaşdırmaq lazımdır.
- Diş fırçalayarkən yavaş hərəkətlərlə üst dodaq və tikiş bölgəsini hərəkət etdirməməyə diqqət göstərilməlidir.
- Yaxası çox dar və başdan keçirilməsi çətin olan paltarlara üstünlük verilməməlidir.
- Həddindən artıq isti mühitlərdən və günəşdən çəkinmək lazımdır.
- Burun əməliyyatından sonra altı ay müddətində eynək taxılmamalıdır.
Burun əməliyyatından sonra burun təmizliyi və qulluğu
Əməliyyatdan sonra burun qulluğu və gigiyenası olduqca vacibdir. Buruna qulluğun müntəzəm və diqqətli aparılması mümkün fəsadların qarşısını alır və infeksiya riskini azaldır.
Burun təmizliyi zamanı buruna çox sərt hərəkətlər etməkdən çəkinmək lazımdır. Mümkün qədər zərif və yavaş hərəkətlərlə burun təmizliyi etmək vacibdir.
Həkiminiz burun təmizliyi üçün dəniz suyu, duzlu su və fizioloji məhlul kimi mayelər tövsiyə edə bilər.
Bu mayelər burun içinə püskürtülərək istifadə olunur. Burun içindəki yaraların daha sürətli sağalması üçün həkiminiz müxtəlif nəmləndiricilər və kremlər tövsiyə edə bilər.
Bu tövsiyələrə əsasən burun içinin nəmliyini təmin etmək lazımdır. Burun içini nəmləndirmək içəridə yaranan qabıqların daha sürətli tökülməsini təmin edir.
Burnun xarici bölgəsi də müəyyən fasilələrlə təmizlənməlidir. Xüsusilə tikiş ətrafı laxtalanmış qan və bədən mayelərindən təmizlənməli və bu prosesə laqeyd yanaşılmamalıdır.
Tikiş bölgəsinin təmizliyi və qulluğunun təmin edilməməsi bölgədə gigiyena çatışmazlığından yaranan fəsadlara səbəb ola bilər.
Burun əməliyyatı sonrası haqqında tez-tez verilən suallar
Burun əməliyyatından sonra uzanma vəziyyəti necə olmalıdır?
Burun əməliyyatından sonra uzanma vəziyyəti normal səviyyədən yuxarıda olmalıdır. İki yastıqdan istifadə edərək başı hündür bir vəziyyətə gətirmək lazımdır.
Burun əməliyyatından sonra şişkinlik neçə günə keçir?
Burun əməliyyatından sonra şişkinlik 1-ci həftədə böyük ölçüdə azalır. Qalan şişkinliyin böyük bir hissəsi isə 1-ci aya qədər azala bilər. Ödemin tamamilə aradan qalxması üçün 6 aylıq bir müddət lazım ola bilər.
Burun əməliyyatından sonra nə vaxt siqaret çəkmək olar?
Burun əməliyyatından sonra təxminən 2 həftə müddətində tütün məmulatlarından istifadə etməmək tövsiyə olunur.
Burun əməliyyatından sonra ödem necə keçir?
Burun əməliyyatından sonra ödem adətən öz-özünə keçə bilər. Əlavə üsullar olaraq göz bölgəsinə buz tətbiq etmək və ödemqovucu qidalar istehlak etmək də ödemin daha sürətli atılmasına kömək edə bilər.
Burun əməliyyatından sonra ödem atan yeməklər nələrdir?
Ödemqovucu qidalar istehlak etmək burun əməliyyatı prosesində ödemin daha sürətli atılmasına kömək edə bilər. Ödemqovucu qidalar ananas, turp, cəfəri, yulaf, ərik və qatıqdır.
Burun əməliyyatından sonra göyərmə neçə günə keçir?
Burun əməliyyatından sonra göyərmə 4-cü və ya 5-ci gündən sonra azalmağa başlayır. Əməliyyatdan sonra göyərmənin tamamilə keçməsi təxminən 2 və ya 3 həftə çəkə bilər.
Burun əməliyyatından sonra burun içi yaralar nə vaxt sağalır?
Burun içində olan yaralar təxminən 2-3 həftə ərzində gözlə görülə bilən bir sağalma göstərir. Yaraların tamamilə sağalması 3 aya qədər davam edə bilər.
Burun əməliyyatından sonra nələr rdilməlidir?
Burun əməliyyatından sonra uzanma vəziyyətinin hündürdə olmasına, duzlu qidalar istehlak etməməyə və ödemin daha sürətli azalması üçün buz tətbiqini dayandırmamağa diqqət edilməlidir.
Həmçinin burnu zərbələrdən qorumaq və buruna müntəzəm qulluq etmək vacibdir.
Səhifənin məzmunu yalnız məlumat məqsədi daşıyır. Diaqnoz və müalicə üçün mütləq həkiminizlə məsləhətləşin.
